Skuterrak Vespa Lambretta Klubak antolatuta, beste behin Azpeitian ari dira egiten gaur urteroko Scooter Topaketa. Gipuzkoako eta Bizkaiko hainbat herritako 50 bat motorzale elkartu dira plazan 10:00etarako. Plazan motoak erakusgai izan dituzte 11:00 ingurura arte, eta segidan ibilbideari ekin diote.
Eguneko txangoa Bidania-Goiatz, Beizama eta Erreziletik egingo dute, atzera berriro Azpeitiko plazan elkartzeko. Bidean atseden hartzeko Beizaman geldituko dira eta han egingo dute hamaiketakoa.
Ibilbidea bukatu ondoren, motoak berriro Azpeitiko plazan aparkatuko dituzte, eta Baigera I tabernan bazkalduko dute.