Magia ikastaroarekin hasi da Txisteratik jaialdiaren aurtengo edizioa. Atzo, asteartez, ekin zioten tailerrari Xixka taldeko kideek Dinamoa sormen gunean, eta haurrek askotariko ariketak eta trikimailuak ikasteko aukera izan zuten. Gaur jarraituko dute tailerrarekin, eta datozen egunetan izango da zeregina eta zertaz gozatua magiaren bueltan.
Txan magoaren emanaldia izango da bihar, ostiralean gazteen gala, larunbatean gertuko magia eta igande arratsaldean gala nagusia eskainiko dute Soreasu antzokian. Txinako Huang Zhengek, Azpeitiko Iagomagok, Kanarietako (Espainia) Hector Manchak, Elgoibarko (Gipuzkoa) Nialak eta Bilboko (Bizkaia) Peio Rivasek parte hartuko dute igandeko Txisteratik gala nagusian.
Hona hemen datozen egunetako egitaraua, osorik:
Bihar, urriak 5:
- 18:00etan, Txan magoaren Magiaz blai ikuskizuna, Soreasu antzokian. Emanaldirako sarrerak eskura daitezke dagoeneko, hemen.
Ostirala, urriak 6:
- 22:30ean, gazteen gala, Sanagustin kulturgunean. Honako mago hauek igoko dira oholtza gainera: Eneko Gutierrez, Iagomago, Julen magoa eta Maria Arandia. Saio horretarako sarrerak ere salgai daude, lotura honetan.
Larunbata, urriak 7:
- 12:30etik 14:00etara, gertuko magia, Alde Zaharrean zehar.
Igandea, urriaren 8a:
- 19:00etan, Txisteratik gala nagusia, Soreasu antzokian. Honako mago hauek parte hartuko dute saioan: Huang Zheng, Iagomago, Hector Mancha, Niala eta Peio Rivas. Hemen eskura daitezke galarako sarrerak.