Emakume bat hil da eta beste lagun bat zauritu, Azpeitia eta Lasao artean izan den trafiko istripuan
ira 14, 20:22 Azpeitia
Suhiltzaileen kamioi batek eta auto batek aurrez aurre jo dute 16:10ean. Ertzaintzak Gukari baieztatu dionez, auto gidaria hil egin da eta kamioiko bidaiarietako bat zauritu; hura Galdakaoko (Bizkaia) erietxera eraman dute helikopteroz. Dagoeneko zabaldu dute errepidea.
Harrera ona izan du Energia Bulegoak lehen hiru hilabetetan
ira 14, 09:00 Azpeitia
Maiatzetik irailera, 80 pertsona baino gehiago joan dira Done Jakue kaleko Energia Bulegora. Horietatik %49k faktura elektrikoarekin lotutako kontsultak egin dituzte; %26k, Ekindar kooperatibari buruzkoak; eta gainerakoek bestelako gaiei buruz galdetu dutela azaldu du udalak.
