Abizenak ere euskaraz kanpainaren helburua abizenak euskaratzeko egin beharrekoaren informazioa helaraztea eta erraztea da. Abizenak euskaratzeko deia herritar guztiei zuzendutakoa da, baina batik bat guraso izateko bidean direnei edota 18 urtetik beherako seme-alabak dituztenei egin diete. UEMAren arabera, urte askoan euskarak jasandako "jazarpena" garbi ikusten da abizenei erreparatzean.

Azpeitiko Euskaraldiaren batzordeak atzo aurkeztu zuen hamaikakoa Sanagustin kulturgunean. 11 herritar horiek ahobizi eta belarriprest rolak hartuko dituzte maiatzaren 15etik 25era bitartean. Zabalik dago norbanakoek Euskaraldian izena emateko epea.