Fundabrilek El Salvadorren egindako Memoria eta Bakerako Kultur Zentroa proiektuaren hirugarren fasearen barruan, joan zen urtarrilaren 27an egin zen 1970eko Hamarkadako Belaunaldiari Omenaldia izeneko gazteentzako lehiaketako sari banaketa.
Lehiaketa horrek bi kategoria izan zituen: saiakera eta horma-pintura. Hain zuzen ere, lehiaketa baliatu zen 70eko hamarkadako belaunaldi horrek El Salvadorren azken aldian izan zuen garrantzia azaltzeko.
Izena eman zuten 79 gazteetatik hamalau izan ziren finalista (11 emakume eta 3 gizon), eta honako hauek dira irabazleak:
Saiakera:
1. Carlos Francisco Gálvez Pérez, 25 urte
2. Brenda Jaqueline Amaya Valle, 24 urte
Horma-pintura (zirriborroa)
1. César René Mármol, 23 urte
2. Gloria Noemy García Gutiérrez, 21 urte
Gaian adituak eta ezagunak diren bi kideek osatutako bi epaimahai eratu ziren –kategoria bakoitzerako bana–: bi historialarik, artista plastiko batek, muralista batek, sendatzaile batek eta idazle batek osatu zituzten horiek.
Parte hartu zuten gazteek lehiaketaz esandako adierazpen batzuk azalduko ditugu jarraian:
Tamara Cruz: "Nire pertzepziotik eskertzen dut aukera eman digutela... Fruitu eta ikaspenen esperientzia handia izan da, eta lehiaketak utzi zidan prozesua oso atsegina izan zen. Nire herrialdetik ezagutzen ez nituen istorioak aurkitu nituen, familiako pasadizo harrigarriak entzun nituen, eta nire lanarekin lagundu zidan gizarte zientzietako irakaslearekin apustu ere egin nuen; lehiaketa irabazten banuen, porruak erosiko zizkidan hark".
Yasmin Deras: "Lehiaketan parte hartzean, nire helburua da Fundazioari buruz jakitea eta saiakera egin zen gaiaren historiaz ikastea. Gai horrek jakin-minez eta harrituta uzten nau; garai hartako gaztetasuna hasieratik nola borrokatu zuten jakiteko gogoz uzten nau, haiei ez ezik, Salvadorreko herri osoari balioa emateko".
Madeline Arlene: "Lehiaketa honek nire trebetasunak aztertzeko, nire sormena nabarmentzeko eta nire ezagutza aberasteko aukera eman dit. Garrantzi handiko gaiak landuz, horiek ulertaraztea, ezagutzea eta islatzea ahalbidetu zidan gehien gustatzen zaidan horretan; marrazten".
Lehiaketa honek, ezbairik gabe, aurreikusitako helburuak bete ditu: belaunaldi honi Salvadorko herriaren oroimen historikoa bizirik mantentzeko interesa agertzea eta gazteen gaitasunak eta trebetasunak sustatzea.
Eskerrak eman nahi dizkiogu Azpeitiko Udalari lehiaketa eta Oroimenerako eta Bakerako Kultur Etxearen proiektua gauzatzen laguntzeagatik.