Azkenean Kepa Peñagarikano izango da datorren astelehenean Tolosako Pilota jaialdian Aritz Lasaren bikotea. Aitor Zubietaren lesioa tarteko, haren lekukoa hartuko du Azpeitiko pilotariak eta Titin III eta Merino II.aren kontra jokatuko du.
Hasieran batean, Iñigo Pascualek ordezkatu behar zuen Aitor Zubieta partida honetan baina hura ere ez zen sasoi betean aurkitzen eta horrela egokitu zaio Peñagarikanori Tolosako txapelketan parte hartzea.
Peñagarikanok Asperi azaldu dionez, “ez diot presioa sartu nahi nire buruari, eta beste partidu bat gehiago izango balitz bezala joango naiz. Hori bai, badakit aurkari gogorragoak edukiko ditugula aurrean”.
Uzkudun Lezaman
Josu Uzkudun pilotari azpeitiarrak ere jokatuko du asteburu honetan. Alkizako Altzelai izango du lagun eta Ioritz Arrieta (Hernani) eta Irureta (Beasain) izango dituzte kontrario gaur (ostirala) Lezaman jokatuko duten finalean.