Maiatzaren 15ean, osteguna, festa giroan murgilduko da Aratzerreka, 09:30ean botako duten txupinazoarekin. San Isidro egunean hasiko dira Aratzerrekako festak aurten eta bi egunetako egitaraua izango dute. Urtero bezala, mahaiaren bueltako jan-edanaren eta trikiti eta bertso doinupean ospatuko dituzte sanisidroak. Eta, urtero moduan, lehiaketa 'xelebrea' sartu dute egitarauan: arrautza egosi-jana egingo da, zapatu goizaldean.
Honakoa izango da sanisidroen egitaraua:
Osteguna, maiatzak 15, San Isidro Eguna:
- 09:30: Txupinazoa.
- 10:00: Mendi buelta: Izazpi-Paotxeta-Samiño. Bueltan salda eta haragi egosia izango dira.
- 12:00: Meza nagusia. Irteeran, biterreoa.
- 14:00: Bazkaria.
- 19:00: Triki-poteoa.
- 20:45: Mami-jana eta, jarraian, afaria.
- 02:30: Baratzuri zopa-jana. Egun guztian zehar Aritz eta Asier soinujoleak.
Ostirala, maiatzak 16:
- 18:30: Suziriak.
- 19:00: Bertso-poteoa.
- 21:00: Bertso-afaria Ander Urbieta Lazkao txiki eta Josu Oiarzabal Xenpelar bertsolariekin. Arratsaldea eta afalondoan Hitzeder eta Lidia soinujoleak.
- 01:00: Lehiaketa 'xelebrea': hiru arrautza egosi nork azkarrago jan. Saria: 30 euro eta dozena bat arrautza.
- 04:00: Baratzuri zopa-jana.