Baigerak txango berria antolatu du hil honetarako. Nafarroara joango dira Azpeitiko jubilatuen elkartekoak, Erriberrira eta Azagrara hain zuzen ere, martxoaren 18an.
Ibilaldian parte hartu nahi dutenek zabalik dute jada izen-ematea. Hilaren 11n bukatuko da epea eta Baigeraren bulegoan egin behar da, 10:30etik 12:30era. Txartelaren prezioa 30 euro dira.
Martxoaren 18an, San Martin egoitzaren aurretik aterako da autobusa, 08:30ean. Erriberrira 10:30 aldean iritsita, upategi bat eta gaztelua bisitatuko dituzte azpeitiarrek. Handik Azagrara joango dira eta, herria bisitatu ondoren, bertan bazkalduko dute; bazkalondoan bingoa eta dantza saioa ere izango dituzte. Arratsaldean, etxerako bueltan, Iruñean ere egingo dute geldialdia.