Kioskoaren estalkia iritsi da plazara

Telesailetan bezala, kapituluz kapitulu eta ikusmina areagotuz, aurrera doa plazako kiosko berriaren eraikuntza. Astelehenean kiosko zaharraren zutabe eraberrituak jarri bazituzten gaur, asteazkena, zutabe horien gainean kokatu beharreko estalkia da plazaraino ekarri dutena. Estalkia herriko lantegi batean egin dute, bi zatitan. Aurreneko zatia (irudian) dagoeneko sartu dute plazan, eta bigarrena ere gaur bertan dira ekartzekoak. Estalkia kioskoaren gainean kokatzeko lanak, berriz, gaur-biharretan egingo dituzte. (Argazkia: ENERITZ ALBIZU).