Aurtengo udaberria-udako arropak, gehigarriak eta ile orrazkerak erakutsiko dira desfilean, eta bada pertsonai ezagunen presentzia ere. Desfilean aurkezpen lanetan Jon Artano zestoarra, Sorginen Laratzeko esataria, izango da. Desfilatzen, berriz, First Model agentziako modeloak arituko dira, eta tartean Janire Acosta, Miss Gipuzkoa, izango da.
Biur, Gotain, Hautxoa, Iosu, Jone eta Maikar, Jostaldi, Kimetz, Martina Isasti, Lidia, Lur, Motx, Oinkari, Romaes eta Urrestila denden produktuak eta lanak izango dira desfilean ikusgai. Sarrerarik ez da ordaindu behar desfilea ikusteko.