Urko Egañak jaso du Lazkao Txikiko bigarren saria

LAZKAO TXIKI BERTSO-PAPER LEHIAKETAREN BIGARREN SARIA

EGILEA: Urko Egaña
DOINUA:Oh gu hemen
NEURRIA:Berezia
IZENBURUA: Mendia

1. Ohera
   joan naiz lehenago,
   kolpera
   ametsen esklabo,
   ostera,
   esnatuta nago
   ametsengatik.
2. Begiak
   lausotu ezean,
   zauriak
   dauzkat bihotzean,
   mendiak
   jarri nau trantzean
   loa amestuz
3. Mendiak
   irentsi zituen
   erdiak
   lagunak nituen;
   egiak
   izoztu ninduen
   amets gazitan
4. Izoztu
   gaitu berri hotzak
   ta ostu
   dizkigu bihotzak.
   Zein poztu
   nahi du heriotzak
   ametsak hilez?
5. Mila test
   ta proba hasteko,
   Everest
   hankape uzteko,
   beti prest
   hesiak hausteko
   ametsak sortuz.
6. Motxila
   amets eta neke
   botila
   oxigeno bete...
   Hats pila
   agortu daiteke,
   hots,ametsak ez!
7. Gailurra
   guztion egarri,
   makurra
   gertatzen da sarri,
   elurra,
   bihurtzen da harri
   ametsak hautziz.
8. Goraka
   gorako bidean,
   beheraka
   gorako idean,
   bueltaka
   zerutik aidean
   ametsen bila.
9. Zerura heltzeko modua
   modura
   ez dago zerua
   galdu da
   ametsen gudua
   ametsak galduz.
10. Izarraitz
    ta Aralar hurbil
    zenbat gaitz
    kabi txikitan bil,
    gero nahiz
    K2 handian hil
    ametsak amets...
11. Gassenbrun
    K2 nahiz Pumori,
    esukaldun askoren hilobi,
    hain lagun
    ez den lagun hori
    euskal ametsa.
12. Andeetan
    edo Himalayan
    denetan
    gora heldu nahian,
    han bertan
    ta beren paisaian
    amesti dabiltz.
13. Zer otu
    Euskal Herri hontan
    lerrotu
    zaizkigun malkotan?
    Lehortu
    ahal diren asmotan
    segi amesten.
14. Pentsatu!!!
    Beno eta noiz ez!!!
    Sendatu
    naiteke oroitzez,
    esnatu
    nahi dut bihar goizez
    ametsen gose.