21:30ean hasi eta 00:10ak aldera arte luzatu zen ekitaldian Itsasik 25 urteetako eta ordu askotako fruitua izan zen emanaldia eskaini zuen. Dantza ekitaldian Euskal Herriko dantza desberdin ugari ikusi ahal izan ziren. Kolorea, berriz, musikari eta dantzarien arropek jarri zioten ekitaldiari. Izarraitz pilotalekuan ikuskizuna ikustera herritar ugari hurbildu zen; publikoa heldua eta gaztea zen gainera. Dantzarien gurasoak, seme-alabak... ikusi baizitezkeen jende artean. Arratsaldean, Loiolako Basilikan dantzan jardun zuten Indiako dantzari profesionalak ere ikusle izan ziren Itsasiren emanaldian.
Amaieran oroigarri ugari banatu ziren, dantzan eta dantza irakasten jardun dutenei (Mikel Larrañagari, Begoña Aizpururi eta Marilolo Goenagari). Itsasi dantza taldeari berari... Denak merezitakoak nola nahi ere.