Sanjuandegin egoitza berria dute zaharrek, Salbe 34an. Barruan argitasun asko dago, eta mahai ugari. Aurreko egoitza txikiegia geratu omen zitzaielako egin dute berria, eta lehen Aitonena II zegoen egoitzan ludoteka egiteko asmoa dute.
Egoitzaren irekitze ekitaldian Udaleko alderdi guztietako ordezkariak izan ziren. Bertan izan ziren besteak beste Jose Maria Bastida alkatea, Maria Jesus Bastida Gizarte gaietako arduraduna, Aitonenako zuzendaritzako lehendakaria eta Kepa Susperregi, herriko parrokoa. Bastidak irekiera zinta moztu zuen, parrokoak egoitza bedeinkatu eta gero bi dantzarik aurreskua dantzatu zuten.
Alkateak udala zaharren alde egiten ari den lana goraipatu zuen, eta Loiolako hiribidean egingo duten giza errekurtsoen egoitza ere zaharren aldeko lanean kokatu.
Iragan larunbatean ireki zuten Aitonena II berria, Sanjuandegin
Aitonena II, Sanjuandegiko zaharren etxeak, egoitza berria du iragan larunbatetik. Salbe 34an dute egoitza berria zaharrek, Izaro alboan. Lehen zuten egoitza txiki geratu zelako egin dute leku aldaketa, eta han ludoteka egiteko asmoa dute orain.
Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide