Pedro Mendoza: “Proposamenak jasotzea ere bada Jubilatuen Astearen helburua"

Urtero antolatzen dugu aste hau, dagoeneko ohitura bat da. Ekintza desberdinak antolatzen ditugu, eta helburua jendeak bertan parte hartzea da. Urte guztian zehar ere ekintza eta ikastaro desberdinak antolatzen ditugu, eta ekintza horiez gain elkarteko kideek beste zerbait gehiago antolatzea nahi duten ere jakitea nahiko genuke. Proposamenak jasotzea ere bada aste honen helburua.

Elkarteko edozein kiderentzat daude egokituta. Guk hiru talde bereizten ditugu, 60-70 urte bitartekoak, 70-80 bitartekoak eta 80 urtetik gorakoak. Antolatzen ditugun ekintzekin hiru talde horiengana iristea nahi izaten dugu.

Atzo txokolatada egin genuen eta bertara jende asko hurbildu zen. Gaur, berriz, mus eta punttu txapelketa azkarrak antolatu ditugu. Bihar eta etzi, berriz, bi hitzaldi ditugu: Buru osasuntsua Gorputz osasuntsua eta Jabetza horizontala eta jabekideekin harteko elkarbizitza. Hitzaldietan beti ere jende gutxiagok hartzen du parte. Igandea da egun garrantzitsua eta jende askok parte hartzea espero dugu.

Igandean jubilatuen eguna da. Bertan, goizean kalejira egingo dugu eta gero, meza nagusira joan aurretik hamaiketakoa. Ondoren, Kiruri jatetxean bazkaria egingo dugu, ohitura onak mantendu egin behar dira eta. 400 bat lagunek parte hartzea espero dugu.

Parte hartze nahiko handia izaten dugu, gustora gaude. Parte hartze handiena jubilatuen egunean izan genuen iaz, 450 bat lagun inguru etorri ziren.