Mikel Aranburu futbolari azpeitiarrak kontratua luzatu du Realarekin, eta bertan egongo da 2007ko ekaina arte. Atzo gauean jakinarazi zuen hori Donostiako klubak. Gainera, Realak kontratua beste urtebetez luzatzeko aukera edukiko du.
Aranburuk 2005 arteko kontratua zeukan, baina azkeneko hilabeteetan hizketan jardun ostean, bi parteak akordiora iritsi dira. Azpeitiarrak 24 urte ditu (25 egingo ditu otsailaren 18an), eta 1997ko ekainaren 22an jokatu zuen lehen aldiz Realeko aurreneko taldearekin; Anoeta estadioan izan zen, Logroñesen kontra, azkeneko minutuak jokatuz (2-1 irabazi zuen Realak).
Dena dela, lehen taldean oraingoa seigarren denboraldia du, 1998-1999tik baitago modu finkoan. Guztira, Espainiako Ligako Lehen Mailako 145 partidatan jokatu du, eta horietan zortzi gol sartu ditu.
Berri honi buruzko informazio gehiago nahi buduzu klikatu hemen