Uztarriaren 61. zenbakia atera eta banatu da. Azalean "Olatz Larrañaga":http://www.uztarria.com/herri_aldizkaria/2005/61/05/index_html dator; mendizaleak Dhaulagiri VII mendian izan zituen izozketen berri ematen du.
Landu diren beste gaiak dira:
- Azpeitia eta topikoak atalaren barruan, Motorzaletasuna. Bigarren topikoa ere baieztatu egin da. Azpeitia motorzalea da datuek erakusten dutenez.
- Klik atalean Azpeitiko azokara joan aurretik Etxearreta baserrikoek lana nola egiten duten azaltzen da.
- Zaharren egoitzari barrualdetik hartutako ikuspegia kaleratu nahi izan da. Egoitzaren funtzionamendua eta bertan bizi direnen hitzak jaso dira.
- Euskarak aldizkarian duen atalean, Bai Euskarari ziurtagiria aipatzen da. Urtean zehar zer egingo dena, hain zuzen.
- Iritziak, berriz, Jose Luis Otamendik, Alaitz Olaizolak, Koldo Aldalurrek, Jokin Urangak, Kepa Susperregik eta Maite Garmendiak eman dituzte.