Urriaren 16an izango da Nafarroa Oinez, Sakanan, eta laguntza eske, mezu bat bidali dute Uztarriara:
"Urriaren 16an eginen den Nafarroa Oinezerako 2.100 lagun behar dira lan egiteko. Dagoneko 1.000 lagunek eman dute izena, baina beste hainbeste falta dira. Zuetako norbait prest baldin badago lan egiteko, edo inguruan prest legokeen norbait ezagutzen baduzue, deitu Iñigo Aritza ikastolara: 948 56 29 51. Mila esker, eta ongi izan".
Uztarria Kultur Koordinadorak azpeitiarrak animatu nahi ditu Nafarroa Oinezekoei laguntza emateko. Nafarroan latza da euskararen egoera, administrazioaren aldetik eraso gogorrak jasotzen dituelako. Han ere ikastolen lana behar-beharrezkoa da.