Santotomasak gainean dira, eta Udalak egitaraua dagoeneko prest du.
Urteroko txorizo eta talo postuez gain, aipagarria da eguerdian izango den herri kirol ekitaldia, bertan Gipuzkoa eta Bizkaiako harrizulatzaileak ikusteko aukera izango baita. Horretaz gain, bi sari banatuko dira: XXIII. Antzerki Topaketetako saria eta Azpeitiko 2005eko kirolaria saria.
Aurtengo beste berrikuntza bat, arratsaldean egingo den dantza sueltoko txapelketa izango da.
Santo Tomas eguneko egitaraua
Abenduak 21, asteazkena
11:00. Udal Musika Bandaren kalejira, eta Elciegoko gaiteroak kalean zehar.
11:30. Itsasiko Ttuntturroen eta Musika Eskolako soinujoleen kalejira.
12:00. XXIII. Antzerki Topaketetako sari banaketa Udal areto nagusian. Azoka plazan, Azpeitiko udazkeneko azoka berezia goiz osoan.
12:30. Aizkolariak, harrijasotzaileak (Irigoien eta Goenatxo II.a) eta Bizkaiko eta Gipuzkoako harrizulatzaileen jaialdia. Plazako kioskoan bertsolariak: Imanol Lazkano, Jose Luis Gorrotxategi eta Beñat Lizaso. Sebastian Lizaso izango da aurkezlea.
13:00. Azpeitiko 2005eko kirolaria saria banatuko da Udal areto nagusian.
15:30. Erraldoiak, buruhandiak eta dultzaineroak kaleetan zehar.
17:00. Izarraitz pilotalekuan profesionalen arteko pilota partidak.
18:00. Dantza sueltoko txapelketa.