Igandean, maitzaren 14an, iparraldeko ikastolen aldeko eguna, Herri Urrats ospatuko da, ohi bezala, Senperen (Lapurdi). Aurtengo lema Aintzirarat da. Orkatz Kultur Elkarteak batetik, eta Ikasberri Azpeitiko Ikastolak bestetik autobusak jarriko dituzte hara joateko.
Orkatzetik
Irteera ordua 09:00etan izango da Etxe-Zuri aurretik, eta itzulera, berriz, 20:30ak aldera. Izena ostirala baino lehen eman behar da, Orkatzen.
Ikasberritik
Autobusa anbulatorio aurretik aterako da, 08:30ean eta herrirako itzulia 18:00etan izango du. Prezioa sei euro da. Autobusean izena emateko 943 151246 telefono zenbakira deitu behar da.