Zortzi taldek eta 24 bertsolarik parte hartuko dute bihar, ostirala, hasiko den hirugarren Bertso Parrandan. Horiez gain, aurkezle eta epaimahaikide lanetan ariko direnak ere izango dira Bertso Parrandaren baitan, Azpeitiko, Azkoitiko eta Errezilgo tabernetan egingo diren bertso saioetan.
Bihar, ostirala, izango da Bertso Parrandako lehen kanporaketa, 23:00etan, Azpeitiko Orkatz Kultur Elkartean. Neskak
eta Txanboiek
taldeak ariko dira aurreneko saio honetan. Saio guztiak ostiraletan izango dira eta finala ez beste guztiak tabernetan egingo dira; finala Azpeitiko Gaztetxean antolatu dute.
.2002an hasi zen Erniarraitz Bertsozale Elkartea Bertso Parranda antolatzen eta orduz gero bi urtean behin egiten da. Besteak beste, "bertso eskola kalera ateratzeko" helburuarekin hasi ziren antolatzen. Baina, baita jendeak parrandan dabilenean duen bertsotarako joera horri heldu nahian ere. Txapelketa baten kutsua du, baina "hain serioa izateko asmorik gabe" antolatzen du Erniarraitzek.
Hasiera-hasieratik arrakasta izan du lehia berezi honek. 2002ko Bertso Parrandan, esaterako, bertso saioak zirenean tabernak jendez leporaino betetzen ziren, eta askotan jendea ezin sartuta gelditzen zen.
Bigarren Bertso Parrandak bertsolari aldetik beherakada izan zuen, sei talde eta 18 bertsolari aritu baitziren. Hala ere, hirugarren ekitaldi honetan, 24 bertsolarik hartuko dute parte berriro, lehen aldiko kopuru bera hain zuzen ere. Batzuk aurreneko aldia izango dute txapelketa honetan, eta beste batzuk beteranoak direla esan daiteke.
.2002ko Bertso Parrandako txapela, "Josu eta Xabier Azpillagak eta IƱigo Gorrotxategi Alabier-ek osatutako Erreka taldeak":http://www.uztarria.com/albistiek/1042031723 irabazi zuen. 2004koa, berriz, Jokin Urangak, Ruben Gorrotxategik eta Mikel Berasategik osatutako Urrustil taldeak jaso zuen. 2006koa ikusteko dago oraindik.
Egitaraua
Azaroak 3, ostirala, Orkatz kultur Elkartean 23:00etan:
Taldeak
Neskak
-Leire Ostolaza
-Eneritz Arzallus
-Eneritz Artetxe
Txanboiek
-Xubi
-Xabier Olaizola
-Arkaitz Zelaia
Aurkezlea: Ainara Betegi
Epaileak: German, Aiertza