San Isidro eguna da gaur, asteartea. Aratz-Errekan aspalditik ospatzen dituzte San Isidro jaiak. Hala, gaur 10:00etan txupinazioa botako dute festei hasiera emateko eta 12:00etan meza izango da. Pedro Ilarramendik gidatuta, Azpeitiko parrokiko abesbatza izango da mezetan kantari. Mezaren ondoren, 14:30ean izango da bazkaria. Iluntzean mami-jana egingo dute auzotarren artean eta antolatzaileen arabera, "mamia nahi beste" egongo da. Ondoren, Saioa eta Alabier soinu-joleek animatuko dute gau giroa. Aurten, gainera, Aratz-errekako Alkartasuna frontoiaren 50. urteurrena ospatuko dute.
Festei jarraipena asteburuan emango diete. Maiatzaren 19an, larunbata, Gazteen Eguna izango da. 8:30ean botatako suziriak emango dio hasiera egunari. Goiz parterako mendi irteera antolatu dute eta arratsalderako mus txapelketa. Ondoren afaria eta afalostean lehiaketa berezia: "Nork irentsi hiru arrautza eta zerbeza basoa azkarrago".