Perdillegi kaleko errepidea norabide bakarrekoa izango da atzotik hasita. Bi norabidetakoa izan da bide hau orain arte, baina, bi auto gurutzatzeko behar adina toki ez zegoela eta, zentzu bakarreko errepidea izango da aurrerantzean. Hortaz, autoek Perretxikotik Anaia Garate kaleranzko norabidea baino ezingo dute egin. Institutura edo inguruetara heltzeko, ibilgailuek Jose Artetxe kalean ezkerrerantz bira hartzeko aukera izango dute; kontrako norabidean, ordea, zirkulazioa debekatuta egongo da.