Azpeitiko moto gidari bat hil da GI-2634 errepidean, Bidania-Goiatz artean. 42 urteko gizona da hildakoa: Agustin Hidalgo Trejo. Ezbeharra atzo, igandea, arratsaldeko lau eta erdietan gertatu zen. Yamaha markako motozikletak Alfa Romeo markako turismo baten kontra talka egin zuen eta, txokearen ondorioz, motoko gidaria oso zauri larriekin eraman zuten Tolosako Asuncion Klinikora. Ospitaletik jakinarazi zuten gidaria hilik atera zela.
Ezbeharraren ondoren eta garbiketa lanak bukatu bitartean, errepidea itxita gelditu zen denbora batez.
Joan den asteazkenean Azpeitiko beste moto gidari bat hil zen kotxe baten kontra talka egin ondoren.