Manoli Uranga PSE-EEko kidearen etxebizitzara pintura bota zuten larunbatean, berri agentziek jakitera eman dutenez. 18:30ak aldera ezezagun batzuk pintura horia eta gorria bota zituzten Urangaren etxebizitzara. Ez da aurreneko aldia honen etxebizitzari eraso egiten diotena.
Manoli Uranga aurreko agintaldian Azpeitiko Udalean PSE-EEko zinegotzia izan zen, 2004tik 2007ra. Gaur egun, berriz, Beasaingo Udaleko PSE-EEko zinegotzia da.