Joseba Ibargutxi saskibaloi jokalariak berriro Lan Mobel Iraurgi Espainiako EBA Ligako taldearekin fitxatu du, gaur (astelehena) jakin denez. Denboraldiaren hasieran Torrevieja Brontzezko LEB Mailako taldera joan zen Ibargutxi, baina taldea bertan behera gelditu da arazo ekonomikoak tarteko eta jokalaria ekiporik gabe zegoen azken asteetan.
Lehengo astean Jose Luis Zubizarreta Iraurgi SBko zuzendaria harekin bildu zen, Azpeitian, eta fitxatzea lortu du, denboraldia bukatu arte.
Iraurgiren web orrian esaten denez, Rhino's Xiriaren eskaintza ere bazuen hark, baina Iraurgira itzultzea erabaki du. Aurretik bi denboralditan jokatu zuen Lan Mobelen (azken bi urteetan).
Basea da Ibargutxi.