Azpeitiko Udaleko Kirol Batzordeak egun guztiko egitaraua antolatu du Lilatoia egin behar duten lasterkarientzat. Autobusak 9:00etan irtengo du igerilekutik, Donostiara -hemen izango da emakumeen proba hori, martxoaren 2an-, eta 10:45etik beroketak egingo dituzte Alderdi Ederren, monitorarekin.
Bost kilometro izango ditu Lilatoiak eta, ondoren, Kontxan "bustialdia" egingo dute korrikalariek. 14:00ak aldera bazkaria, Parte Zaharrean, Donostiarra sagardotegian. 18:00tan jarri dute autobusa bueltatzeko.
Izena emateko, otsailaren 18tik 27ra bitartean igerilekutik pasatu edo bertara deitu beharko da, eta prezioak hauek dira:
-Autobusa: 4 euro.
-Autobusa eta dortsala: 10 euro.
-Autobusa, dortsala eta bazkaria: 40,50 euro.
Lilatoiaren 19. edizioa jokatuko da aurten Donostian. Emakumeen lasterketa herrikoi eta aldarrikatzaile hau 1990. urtean sortu zuten, eta urtez urte oihartzun handiagoa hartu du.