Emakumeen senior mailan podium osoa eskuratu zuten eskualdeko korrikalariek, Hernaniko LXI. Krosean, atzo. Nerea Etxeberria azpeitiarra izan zen lehen sailkatua, atzetik Nerea Amilibia aiarra eta Arantza Aldalur azpeitiarra zituela.
Gizonezkoen mailan, Agustin Jimenez azpeitiarrak bigarren postua eskuratu zuen, Imanol Cruz txapeldunaren ondoren. Lander Zabala zestoarra bosgarren sailkatu zen.
Kadete mailako mutilen artean, Jokin Lete azkoitiarrak lehenengo postua eskuratu zuen eta Jurek Ibarguren azpeitiarra bosgarrena izan zen.