Ostiralean hasiko da 2008ko Lehen Mailako Eskuz Banakako Txapelketa, eta bertan izango da Kepa Peñagarikano. Hain zuzen, 20 pilotari ariko dira txapelketan, lau multzotan banatuta, eta C-n dago Peñagarikano. Xabier Urberuaga-Imanol Agirre partidako irabazlearen kontra jokatuko du final-hamaseirenetan, apirilaren 13an, eta, hor berak irabazten badu, Juan Martinez Irujo izango du kontrario final-zortzirenetan, hilaren 20an. Irujok oraindik ere arazo fisiko batzuk ditu, eta gaur (asteartea) egingo du azken entrenamendu erabakigarria.
Pedro Martinez Eulate-Aitor Zubieta izango da txapelketako lehen partida, A Multzokoa, ostiralean Zeanurin (Bizkaia), eta ekainaren 8an bukatuko da; baliteke Donostian jokatzea azkena, Atano III.a pilotalekuan. Hain zuzen, gaur aurkeztu dute lehiaketa, Bilbon.
Zozketaren ondoren, hauek dira multzoak eta hauek lehiak:
A Multzoa. Eulate-Zubieta, horko irabazlea Iñigo Leizaren kontra ariko da, horkoa Oñatz Bengoetxearen kontra, eta horkoak Aimar Olaizola izango du zain.
B Multzoa. Aritz Laskurain-Ives Salaberri Xala / X-Asier Olaizola / X-Ruben Beloki / X-Patxi Eugi.
C Multzoa. Urberuaga-Agirre / X-Peñagarinako / X-Irujo / X-Sebastian Gonzalez.
D Multzoa. Iñigo Pascual-Aritz Begino / X-Juantxo Koka / X-Patxi Ruiz / X-Abel Barriola.
A eta B multzoetako irabazleek maiatzaren 18an jokatuko dute finalerdia, eta C eta Dkoek maiatzaren 25ean.