Maiatzaren 11n Lagun Onak Mendi Bazkunak antolatu duen Izarraizko mendi lasterketa larunbatean aurkeztuko dute, 12:00etan, Lagun Onak Mendi Bazkunaren elkartean. Izarraitz mendikatean zehar egingo den mendi lasterketa Euskal Herriko Mendi lasterketen koparen barruan sartu du Euskal Mendi Federazioak.
Igandean ibilbidea ezagutzera
Dagoeneko mendi lasterketaren ibilbidea markatu dute mendizaleek eta jende asko ari da entrenatzen. Igandean ibilbidea ezagutzeko mendi irteera antolatu dute Lagun Onak-ekoek, 08:00etan herriko plazatik irtenda.