Mikel Aranburuk eta Mikel Labakak Iraurgi ikastetxera bisita egin dute. Ikastetxe horretan euskal astea ari dira ospatzen eta horren baitan hartu dute parte bi futbolariek ekimenean.
Futbol munduko esperientzia hizpide
DBH 2. mailako ikasleekin, ordu eta erdiko solasaldia egin dute eta beraien futbol munduko esperientziak kontatu dizkiete ikasleei. Aldi berean, ikasleen galderak erantzun dituzte, autografo batzuk sinatu eta ikasleekin argazkiak atera.