Espainiako Bigarren B Mailarako igoera fasea jokatzetik gertu-gertu geratu da Lagun Onak-ek. Gaur (larunbata) Azpeitian Gernikari irabazi beharra zeukan horretarako, baina 0-1 galdu du.
Partidako bigarren minutuan egin du gola Gernikak, eta etxekoek ezin izan diote buelta eman.
Giro bikaina izan da Garmendipen, Hirugarren Mailako denboraldiko azkeneko partidan: 500 ikusle bildu dira, eta txaranga eta dena izan da.
Hemezortzi azpeitiar jokalarirekin aritu da denboraldi honetan Lagun Onak, azkeneko urteetan baino gehiagorekin, eta ia beti sailkapenean goian egon da.