Euskal Herriko historiaurrea izeneko hitzaldia emango du, gaur, Joseba Asiron historialariak. 21:00etan jarri dute hitzordua, Esklabetako elizan. Gai honen inguruan mahai-ingurua egingo da leku eta ordu berdinean, ekainaren 16an.
Azpeitiko Nabarralde taldeak antolatu duen Euskal Ikasketak ekimenaren baitako hitzaldia da gaurkoa. Apiriletik ekaina bitartean hainbat mahai-inguru eta erakusketa egin du taldeak Azpeitian, Azkoitiko eta Azpeitiko udalen babesarekin.
Honenbestez, ekainaren 16ko mahai-inguruarekin bukatuko da Euskal Herriaren errealitateari eta historiari buruz hausnarketa egiteko asmoz antolatu duten ekimena.