Herriarteko Pilota Txapelketako finalerdiko joanekoan ostiralean Atauni hiru partidetatik bi irabazita, Azpeitiak gero eta gertuago du Donostiako finalerako txartela.
Kadeteak eta jubenilak ez ziren ondo ibili Ataungo jokalarien kontrako partidetan. Azpeitiko taldeko gazteenek 22-9 galdu zuten, partida kaskarra eginez. "Ez da normala izan, oso urduri atera dira-eta", azaldu du Ilunpe Pilota Elkarteko kide Jesus Ruiz ArgandoƱak.
Jubenilek eta helduek, berriz, garaipen garrantzitsuak lortu zituzten. 22-20 irabazi zuten jubenilek, eta helduen partida 22-5 emaitzarekin bukatu zen.
Frontoi Txikia Azpeitiko eta Ataungo ikuslez bete zen. Datorren larunbatean jokatuko dituzte itzuliko partidak, 18:00etan, Ataungo pilotalekuan.
Beste finalerdian Hernanik 1-2 galdu zuen Donostiaren kontra.