Herriarteko pilota txapelketako final-erdietako itzuliko partidak jokatuko ditu Azpeitiak larunbatean. Ataundarren kontra jokatuko dute herriko pilotariek Ataunen. 18:00retan hasiko dira partidak eta Ilunpe pilota elkarteak hara joateko autobusa antolatu du. 16:00retan aterako da autobusa anbulatorio aurretik eta txartelak Frontoi Txikin egongo dira salgai, 18:00etatik 20:00etara bitartean.
Joaneko partida Azpeitiak irabazita
Joan den ostiralean jokatu zuten Azpeitiak eta Ataunek joaneko partida Frontoi Txikin. Herriko pilotariek 2-1 irabazi zioten ataundarrei.