Jose Luis Albizuri Azpeitian bizi den azkoitiarrak Hiru Handiak iraupen luzeko mendi proba irabazi zuen larunbatean. 2002tik probako txapelduna izan da. Larunbatean, gainera, probako marka hautsi zuen: lasterketa 11 ordu eta 57 minututan bukatuta; hiru minututan hobetu du marka.
Larunbatean, Euskadi Irratiako Hiru Erregeen Mahaia saioan Albizurik esan zuenez, probaren lehenengo etapa "oso azkar" egin zuten eta batzuk nekatu eta atzean gelditu ziren. Bidean, lokatza asko zegoela ere adierazi zuen Albizurik irratian: "Gauez lokatza asko eta behe laino ikaragarria zegoen, askotan gelditu egin behar izan dugu marken bila. Gau txarra izan da". Hirugarren etapan inoiz ez bezala "sufritu" zuela zioen.