Itxita dago dagoeneko III. Emakumeen Futbol Txapelketarako izen-ematea eta antolatzaileek jakinarazi dutenez, aurten 16 taldek parte hartuko dute lehiaketan. Ekainaren 21ean, larunbata, jokatuko dituzte lehen partidak Garmendipeko zelai artifizialean. 10:00etan hasiko dituzte partidak eta taldeen ordutegiak ere zehaztuta dituzte jada, zozketaz.
Aurten bi mailatan banatuta jokatuko dute izena eman duten taldeek: Superliga da bat eta Erregionala da bestea. "Bi mailetan helburua ondo pasatzea izango den arren, maila bakoitzak helburu espezifiko batzuk edukiko ditu", azaldu dute antolatzaileek.
Ekainaren 21a izango dute neskek estreinako aldia baina bigarren itzuli bat ere jokatu beharko dute. Ekainaren 28an jarraituko txapelketak. Gero, uztailaren 5ean, berriz, final-erdiak eta finalak jokatuko dituzte eta hor bukatuko da aurtengo txapelketa.
Txapelketako kamisetak salgai
"Aurreko urteko arrakasta ikusita", aurten ere txapelketako kamisetak atera dituzte antolatzaileek. 10 eurotan, salgai daude dagoeneko eta txapelketako egunean ere erosi ahal izango direla jakinarazi dute.
Egitaraua (Ekainak 21 eta 28)
Ekainak 21
Superliga
- 10.00etan Gorrixek - Zestuarrak
- 10.35ean Etzazu flipau - Hi sen bat
- 11.10ean Iraurgi+1 - Zestuarrak
- 11.45ean Zuko Azkoitiko gaztetxoak
- 12.20an Iraurgi+1 Gorrixek
- 13.15ean Etzazu flipau Zuko
Maila erregionala
- 10.00etan Korrale - Lokotxerak
- 10.35ean Anbuko neskak - Gaxtiek
- 11.10ean Palistak - Lokotxerak
- 11.45ean Zurt Txober
- 12.20ean Palistak Korrale
- 13.15ean Anbuko neskak Zurt
Ekainak 28
Superliga
- 10.00etan Arrasate Iraurgi+1
- 10.35ean Azkoitiko gaztetxoak - Hi sen bat
- 11.10ean Arrasate - Gorrixek
- 11.45ean Etzazu flipau Azkoitiko gaztetxoak
- 12.20ean Arrasate Zestuarrak
- 13.15ean Hi sen bat Zuko
Maila erregionala
- 10.00etan Tralara Palistak
- 10.35ean Gaxtiek - Txober
- 11.10ean Tralara - Korrale
- 11.45ean Anbuko neskak Txober
- 12.20an Tralara Lokotxerak
- 13.15ean Gaxtiek Zurt