Azpeitiko Emakumeen Hirugarren Futbol Txapelketako finalerdiak eta finalak jokatu ziren joan den larunbatean, Garmendipeko belar artifizialeko futbol zelaian. Nazional mailan finala Hi Sen Bat eta Arrasate taldeen artean jokatu zuten finala, eta Hi Sen Bat izan zen irabazlea 2-1 eginda. Erregional mailan, berriz, Lokotxerak eta Palistak taldeen artean izan zen azken norgehiagoka eta Lokotxerek irabazi zuten, 6-0 eginda, alde nabarmenarekin.
Hamasei talde jokoan
Emakumeen futbol txapelketan hamasei taldek jokatu dute eta giro ederra izan da txapelketak iraun duen hiru asteburuetan, hala esan dute antolatzaileek. Aurten gainera, bi mailetan banatuta jokatu dituzte partida guztiak: Nazionala eta Erregionala. "Hirugarren aldiz antolatu dugu, eta parte-hartze kopurua dagoeneko egonkortuta dago, urtero hamasei taldek jokatzen baitute", azaldu dute txapelketaren antolatzaileek.