Azpeitiak Euskal Herriko Herriarteko Pilota Txapelketako lehen partida joan den larunbat iluntzean jokatu zuen Markinaren kontra Frontoi Txikian; 2-1 irabazi zuten Ilunpekoek. Kadeteetako partida galdu egin zuten alde handiarekin, 10-22. Baina, Jubeniletan eta Afizionatuetan garaile izan ziren Ilunpeko pilotariak, 22-21 eta 22-18 eginda, hurrenez hurren.
Orain, itzulikoa jokatu beharko dute Bizkaiako ordezkaria den Markinaren kontra, larunbat goizean, 11:00etan, Markinako Karmen jaien baitan. "Han ere irabazteko aukerak ditugu, aurrenengo mailan ez, baina beste bi partidak irabaziko ditugulakoan nago", Jesus Ruiz Argadoña Ilunpekoak.
Gipuzkoa (Azpeitia) eta Bizkaiko (Markina) ordezkarien arteko irabazleak, Araba edo Nafarroako ordezkarien kontra Euskal Herriko Herriarteko Txapelketako finala jokatuko dute. Santio egunean izango da finala, oraindik ordua eta lekua zehazteko daude.