Azpeitiak (Gipuzkoako txapeldunak) pilotako Euskal Herriko Herriarteko Txapelketako finala jokatuko du, datorren ostiralean (hilaren 25ean), Iruñean. Uharte (Nafarroa) izango du aurkari, eta Labriten ariko dira, 10:30etik. ETB1ek zuzenean emango du finala.
Uhartek atzo (ostirala) lortu zuen sailkapena, Gasteiz mendean hartuta.
Azpeitiak eta Markina-Xemeinek (Bizkaia) gaur jokatu dute finalerdiko itzulikoa, azken horren etxean. Joanekoan bezala, Azpeitia nagusi 1-2. Gazteetan eta seniorretan irabazi du, bietan 12-22. Kadeteetan galdu, 5-22.
Azken albistea (uztailak 21. 12:55): Finalera joateko autobusa jarriko dute
Iruñean jokatuko duten finalera joateko autobusa antolatu dute. 18:00etatik 20:00etara bitartean eman beharko da izena autobuserako, Frontoi Txikin.