Udal Festa Batzordea Santo Tomas eguna antolatzen hasi da. Festa egun horretan, herriko plazan txorizo postua jarri nahi dutenentzako izena emateko epea larunbatean zabalduko dute, eta hilaren 25era arte izango da horretarako aukera. Postua jartzeko izena udaletxean bertan eman behar da. Postuen zozketa, berriz, hilaren 27an izango da, 20:00etan, udaletxeko areto nagusian.