Azpeitiko tabernarien elkarteak antolatuta Gatillazo taldearen kontzertua izango da bihar, ostirala, 23:00etan, herriko plazan. Evaristo kantariak gidatzen duen taldeak 2005. urtean kaleratu zuen Gatillazo lehen diska, Oihuka etxearekin. Bi urte geroaro Dianas legales izeneko lana argitaratu zuen. Bihar, Azpeitiko plazan, atera berri duen Sex Pastels diskoa aurkeztuko du.
Gatillazoren kontzertuaz gain, Azpeitiko Gaztetxean bi musika kontzertu izango dira gaur. 22:00etatik aurrera Lauroba eta Chicarela taldeek kontzertua emango dute. Lauroba taldeko lau kideek Gauari gauarekin diskako kantuak aurkeztuko dituzte. Chicarelakoek, berriz, duela bi urte kaleratutako lanaren kantuak eskainiko dituzte.