Udaleko Gazteria batzordeak antolatutako Txiki-Biran haurrei zuzendutako ekimenaren baitako emanaldi bat egongo da igandean, 12:00etatik 13:00etara, Sanjuandegiko Jose Antonio Agirre plazan. Bertan, Jakin eta jolas ikuskizuna ikusteko aukera izango da.
Txiki-Biran programazioaren baitako ekitaldiak hilero izaten dira, ganadu feria izaten den asteko igandetan. Hilero lekuz aldatzen dituzte emanaldiak eta oraingo honetan Sanjuandegin izango dira.