Azpeitiko Ikasberri Ikastolako nesken eta mutilen taldeak izan dira txapeldunak, Iraurgi Ikastetxeak antolatzen duen XV. Urte Berri Areto Futbol Txapelketan. Alebin mailako neska-mutilen futbol partidak asteburuan jokatu dira. Eskualdeko hainbat ikastetxetako hamasei futbol taldek parte hartu dute: Zumaiako Maria eta Jose Ikastetxea, Zestoako Herri Eskola, Azkoitiko Floreaga Ikastetxea eta Xabier Munibe Ikastola eta Azpeitiko Ikastola Karmelo Etxegarai, Azpeitiko Ikasberri Ikastola eta Iraurgi Ikastetxea.
Txapelketako jokalari onenen sariak ere Ikasberrikoek jaso zituzten: nesketan Ainhoa Bereziartuak eta mutiletan Amets Amubietak.