Azpeitiko Udaleko Kirol Sailak autobusa antolatu du Donostiako Lilatoia egin nahi dutenentzat. Martxoaren 8an egingo dute emakumeen lasterketa herrikoi eta aldarrikatzailea.
Egun osorako egitaraua antolatu du Kirol Sailak. Autobusak 09:00etan irtengo du igerilekutik. 10:00etan korrilakariak dortsala, txipa eta kamiseta jasotzera joango dira Alderdi Ederrera eta ondoren beroketak egingo dituzte. Goizeko hamaiketan hasiko da bost kilometro izango dituen Lilatoiak. 14:00ak aldera bazkaria egingo dute, Cachon jatetxean. 18:00etan Azpeitira itzuliko dira.
Lilatoian parte hartzeko, dorsala eskuratzeko eta bazkarira joateko izena igerilekuan eman behar da, martxoaren 4a baino lehen. Izena ematerakoan ordaindu beharreko prezioak honakoak dira:
- Autobusa: 4.00 euro
- Autobusa + Dorsala: 15.00 euro
- Autobusa + Dorsala + Bazkaria: 35 euro