Hilaren 28an, Diego Garciaren oroimenezko Azkoitia-Azpeitia maratoi erdia izango da. Aurten, aurrenekoz zerbitzu berriak eskainiko dituzte parte-hartzaileentzako: urtebete eta 3 urte arteko haurrentzako haurtzaindegia eta 4 eta 7 urte bitartekoentzako ludoteka.
Bi zerbitzu horietarako izena hilaren 20a baino lehen eman behar da. Bi zerbitzu horiek Ikasberri Azpeitiko Ikastolan emango dituzte; maratoi erdiko helmugatik gertu. Zerbitzuak doan dira.
Izena emateko 943 150095 edota 943 157928 telefonoetara deitu daiteke, edota kirolak@azpeitia.net eta parekidetasuna@azpeitia.net helbideetara idatzita. Inork izenik emango ez balu, zerbitzuak ez lituzkete martxan jarriko.