Urola Kostako Hitzak bost urte bete ditu eta hori ospatzeko bertso saioa antolatu du, Erniarraitz Bertsozale Elkartearen eta Azpeitiko Udalaren laguntzarekin.
Izarraitz pilotalekuan, 22:00etatik aurrera, sei bertsolari ariko dira kantuan Hitzaren aldeko bertso saioan: Andoni Egaña, Sebastian Lizaso, Jon Maia, Uxue Alberdi, Joan Jose Eizmendi Loidisaletxe eta Jokin Uranga. Sarrerak 10 euroren truke egongo dira salgai. Azpeitian, Etxe Zuri, Orkatz Kultur Elkartean eta Jim Clark tabernetan lortu ahalko dira. Antolatzaileek adierazi dutenez, sarrerak egunean bertan leihatilan egongo dira salgai.
'Urola Kostako Hitza'-k bost urte: bideoa ikusi hemen
Bertso saioa
Noiz eta non?. Martxoaren 14n, larunbata, 22:00ean, Izarraitz pilotalekuan.
Bertsolariak. Andoni Egaña, Sebastian Lizaso, Jon Maia, Uxue Alberdi, Joan Jose Eizmendi Loidisaletxe eta Jokin Uranga
Gai-jartzailea. Xabier Azpillaga.
Sarrera. 10 euro.