Kepa Peñagarikanok gaur (larunbata) arratsaldean hasi du Lehen Mailako Pilotako buruz buruko Txapelketako bidea, baita bukatu ere, Imanol Agirrek 22-13 irabazi diolako final-hamaseirenetan, Tolosan.
Nagusi izan da hasieratik Agirre, sakeaz eta, batik bat, dejadez baliatuta dozena bat tanto egin ditu horrela. Peñagarikano une batez baino ez da egon aurretik. Markagailua: 3-0, 5-6, 8-6, 14-7, 17-9, 19-13, 22-13.
Iaz ere aritu ziren biak buruz burukoan, eta Peñagarikano gailendu zen, 22-12.
Agirrek aurtengo txapelketako aurreko kanporaketan 22-7 irabazi zion Aritz Laskuraini, eta final-zortzirenetan Ruben Belokiren aurka ariko da, hurrengo astean.