Izarraitz Igeri Elkartekoek emaitza onak lortu dituzte Euskadiko Eskolarteko Igeri Txapelketan. Guztira bost domina lortu dituzte: bi urrezko, bi zilarrezko eta brontzezko bat. Txapelketa Gasteizen jokatu zuten larunbatean.
Ainhoa Goenaga igerilariak lau domina lortu ditu: urrezko bi, bata 100 metro bizkar estiloan eta bestea taldeka 4x100 metro estiloetan; zilarrezko bat, taldekako 4x100 metro librean, Luke Kortarekin batera; eta brontzezko bat 100 metro bular estiloan.
Euskadiko igeriketa txapelketan Izarraizko beste igerilariek ere postu onak lortu dituzte: Anne Berasategik zazpigarren egin du 100 metro tximeletan; Jon Odriozolak bosgarren 200 metro librean eta zortzigarren 100 metro librean; eta, Luke Kortak hamargarren 100 metro librean.
Ligako jardunaldia
Bestetik, Izarraitz Igeri Elkarteko 11 urtetik gorako igerilariek Ligako jardunaldia jokatu zuten larunbatean, Legazpin. Sei lehen postu lortu dituzte igerilariek: Naiara Perezek 400 metro librean; Ainitze Odriozolak 400 metro librean eta bi zabalerako australiarrean; Pablo Etxeberriak 200 metro estiloan, 100 metro librean eta bi zabalerako australiarrean.