Sanjoanei aurrea hartuz pilota partidak izan ziren herenegun Urrestillan, eta atzo arratsaldean, berriz, Herri Krosa. Lasterka egiteko giro ederra egin zuen larunbatean, antolatzaileen arabera, eguzkiak jotzen zuen arren "haize ederra" zegoen-eta. Helduen lasterketaren irabazlea gizonezkoetan Mathew Kosgei (26:18) izan zen; lehen azpeitiarra Gotzon Aranburu (29:25) eta urrestildarren artean aurrena Ramon Larrañaga (34:34). Emakumezkoetan lasterketa aurrena Susan Jepkemeik (32:14) bukatu zuen; lehen urrestildarra eta lasterketako laugarren postuan, berriz, Nekane Gurrutxaga (42:00) iritsi zen.
Antolatzaile taldekoak Herri Krosak izandako parte-hartzaile kopuruarekin gustura zeuden: "Kanpotik ere toki askotatik etorri da jendea lasterka egitera, eta haur eta gazte piloak irten du lasterketan".
17:00ak pasatxo zirela hasi ziren haurren lasterketak. Benjamin mailakoak izan ziren irteeran aurrenak, baina maila horretatik beheragoko haurrek ere parte hartu zuten lasterketaren bukaeran korrika eginez. Parte hartu zuten haur guztiei oroigarri bana banatu zieten antolatzaileek, eta horrez gainera kirol-dendek emandako erosketa txartelak zozkatu zituzten. Helduen artean ere hainbat produktu zozkatu zuten.
Atzo, erretiratuen eguna
Festari hasiera kirolarekin eman diote Urrestillan. Atzo, berriz, erretiratuen eguna ospatu zuten. Asteartetik aurrera, San Joan bezperan, festa bete-betean izango da Urrestillan.
Herri Kroseko argazkiak ikusteko klikatu hemen
Sanjoanak, egitaraua
Maiatzak 23, asteartea
20:00 Poteo herrikoia
20:55 Txupinazoa
21:00 Herri afaria
23:00 San Juan Zuhaitza sartzea
00:00 San Juan Sua piztuko da Txikuri pilotalekuko aparkalekuan. Herriko haurrek dantza egingo dute suaren inguruan.
Maiatzak 24, asteazkena
05:00 Txokolatada gaupaseroentzat
06:00 Kulero eta Gontzontzilo lasterketa
10:00 Elgoibarko Dultzaineroekin Diana
12:00 Meza Nagusia
13:00 Erraldoi eta buru handiak Azpeitiko Musika Bandaren laguntzaz
16:00 Zezen txikiak eta pottokak
17:30 Urrestilla Show ikuskizuna, herriko gazteen eskutik
20:30 Incansables txaranga herriko kaleetan zehar
Maiatzak 25, osteguna
12:30 Sagardo dastaketa Auntxa tabernaren eskutik
15:30 Mus txapelketa
16:00 Ume jolasak zezen mekaniko eta puzgarriekin, herriko plazan
17:00 Umeentzako merienda eta buru handiak
19:30 Triki bertso poteoa
23:30 Trikitilariak
Maiatzak 26, ostirala
16:00 Altxorraren bila, herriko plazatik abiatuta
19:00 Patata tortilla txapelketa eta afari merienda
20:30 Trikipoteoa
22:30 Egurra eta kitto taldearen kontzertua
23:00 San Juan zuhaitzaren entierroa
23:30 Trikitilariak