Gipuzkoako ahaldun nagusi Markel Olano Azkoitian izan zen atzo, asteazkena, Azkoitiko Industrialdea Programaren 25. Urteurrena ospatzeko.
Industrialde Programako ibilbideko urrats garrantzitsuenak errepasatzeaz gain, etorkizunean emango diren pausoez ere hitz egin zuten. Asier Aranbarri Azkoitiko alkateak aurreratu zuenez, urtea bukatu baino lehen Loiola Berrikuntza Fundazioa sortuko dute eta fundazio horrek Berrigune eskualdeko lehen berrikuntza gunea kudeatuko du.
Azkoitiko eta Azpeitiko udalek bultzatuta, Iraurgi Lantzen, Urola Erdiko Industrialdea, eskualdeko 8 enpresa, Cidemco, Mondragon eta Deustuko unibertsitateak eta Xabien Munibe XVIII. Mendeko Institutua izango dira berrikuntza gunearen partaideak.